Գերմանիայում ԱԹՍ-ների օգտագործմամբ լրտեսության աճ է գրանցվել

Գերմանիայի իշխանությունները մի շարք բողոքներ են գրանցել անօդաչու սարքերի միջոցով երկրի անվտանգության կառույցները լրտեսելու վերաբերյալ։ Այս մասին գրում է Bild թերթը։

Գերմանական գերատեսչության տվյալներով՝ լրտեսության համար անօդաչու սարքերի օգտագործումը զգալիորեն աճել է։ Գերատեսչությունը նշել է, որ անօդաչու սարքերը կարող են օգտագործվել «ռուսական հիբրիդային պատերազմի» ժամանակ։

Հրատարակության համաձայն՝ ամբողջ երկրի ոստիկանական բաժանմունքները մոտ 100 բողոք են ստացել անհայտ անօդաչու թռչող սարքերի վերաբերյալ։

Ավելի վաղ Der Spiegel ամսագիրը գրել էր, որ վերջին շաբաթներին Գերմանիայի մի շարք արդյունաբերական օբյեկտների և Գերմանիայում ամերիկյան Ռամշտեյն ավիաբազայի վրա անհայտ անօդաչու սարքեր են նկատվել։ Լրագրողների տեղեկություններով՝ դեկտեմբերի 3-ի և 4-ի երեկոյան բազմաթիվ անօդաչու թռչող սարքեր են գրանցվել ԱՄՆ ռազմաբազայի վրա։ Այնուամենայնիվ, անօդաչու թռչող սարքի մեկ օպերատոր չի գտնվել։