Ռուսներն ընտրել են 2024 թվականի տարվա քաղաքական գործչին

Ռուսաստանցիների կեսը Ռուսաստանի նախագահ Վլադիմիր Պուտինին համարում է 2024 թվականի գլխավոր քաղաքական գործիչ։ Այս մասին են վկայում Հասարակական կարծիքի ուսումնասիրման համառուսաստանյան կենտրոնի կայքում հրապարակված հարցման արդյունքները։

Հեռախոսային հարցումն անցկացվել է անցյալ տարվա դեկտեմբերի 21-ին։ Հետազոտությանը մասնակցել է երկրի 1,6 հազար չափահաս քաղաքացի։ Առավելագույն սխալը կազմել է 2,5%:

Վերլուծաբանները հարցվածներին խնդրել են ասել, թե Ռուսաստանի կառավարության որ պաշտոնյաներին են համարում 2024 թվականի գլխավոր քաղաքական գործիչ։ Արդյունքում՝ հարցվածների 50%-ն ընտրել է Վլադիմիր Պուտինին։

Հետազոտության մասնակիցների 18%-ը Ռուսաստանի վարչապետ Միխայիլ Միշուստինին  է նշել՝ որպես անցյալ տարվա քաղաքական գործիչ։

Արտաքին գործերի նախարար Սերգեյ Լավրովի և ռազմական գերատեսչության ղեկավար Անդրեյ Բելոուսովի օգտին քվեարկել է քաղաքացիների համապատասխանաբար 14%-ը և 7%-ը։