Պաբլո Էսկոբարի անձնական ինքնաթիռը վերածվել է շքեղ հյուրանոցի (լուսանկարներ)

Անսովոր շքեղ հյուրանոց է հայտնվել Airbnb-ի հանրահայտ վարձակալության ծառայությունում։

Այն իրական Boeing 727 ինքնաթիռի փոխակերպված խցիկ է, որը ժամանակին պատկանել է հայտնի նարկոբարոն Պաբլո Էսկոբարին։ Ինքնաթիռը կառուցվել է 1968 թվականին Japan Airlines-ի պատվերով, իսկ 1981 թվականին վերածվել է մասնավոր ինքնաթիռի։ Այդ ժամանակից ի վեր այն փոխել է մի քանի սեփականատեր: Հյուրերը կարող են այնտեղ մնալ £250-ից մինչև £850 մեկ գիշերվա համար՝ կախված սեզոնից:

Այս արտասովոր հյուրանոցը բացել է 41-ամյա գործարար Ջոնի Պալմերը, ով նախկինում ապահովել էր Բրիստոլ քաղաքի իշխանությունների աջակցությունը։

Ինքնաթիռի սեփականատերը հայտնել է, որ օդանավը շահագործումից հանվել է 2012թ.։ Միաժամանակ նրա շուրջ իրական լեգենդներ են պտտվում։

Ասում են, որ այս ինքնաթիռը որոշ ժամանակ պատկանել է ոչ միայն Էսկոբարին, այլև մի արաբ արքայազնի, ինչպես նաև մաֆիայի ներկայացուցիչների։ Հասկանալի պատճառներով բավականին դժվար է հաստատել այս Boeing 727-ի ամբողջական պատմությունը այն բանից հետո, երբ այն հանձնվել է մասնավոր անձանց։