«Ցավն աննկարագրելի է». Փերիս Հիլթոնը ցույց է տվել, թե հրդեհից հետո ինչ տեսք ունի իր առանձնատունը

Ամերիկացի դերասանուհի և մոդել Փերիս Հիլթոնը Instagram-ում լուսանկար է հրապարակել՝ ցույց տալով Կալիֆորնիայում գտնվող իր առանձնատունը հրդեհից հետո։

«Ես կանգնած եմ այստեղ՝ մեր նախկին տանը, և սրտիս ցավն աննկարագրելի է: Երբ ես առաջին անգամ տեսա այն, շոկի մեջ էի, չէի կարողանում հասկանալ՝ ինչ է կատարվում: Բայց հիմա, կանգնելով այստեղ և տեսնելով ամեն ինչ իմ աչքերով, սիրտս միլիոնավոր կտորների է բաժանվել», - կիսվել է Հիլթոնը։

Հիլթոնն ասել է, որ հրդեհը ոչնչացրել է ոչ միայն իր տունը, այլև կյանքի մի վայր, որը շատ հիանալի հիշողություններ է կրում:

Դերասանուհու հրապարակած կադրերից երևում է, որ նրա ծովափնյա տունն ամբողջությամբ այրվել է։

«Եվ այնուամենայնիվ, ես աներևակայելի հաջողակ եմ: Իմ սիրելիները, իմ փոքրիկները և իմ ընտանի կենդանիները ապահով են: Սա ամենակարևորն է։ Եվ ես անսահման երախտապարտ եմ բոլոր հրշեջներին, փրկարարներին և կամավորներին, ովքեր իրենց կյանքը վտանգեցին այս հրդեհները մարելու համար», - ընդգծել է Հիլթոնը։