ԵՄ-ն վախենում է, որ Թրամփը կարող է չեղարկել Բայդենի հակառուսական հրամանագրերը․ Financial Times
Համաշխարհային Մամուլ
ԵՄ պաշտոնյաները մտավախություն ունեն, որ ԱՄՆ նորընտիր նախագահ Դոնալդ Թրամփը կարող է չեղարկել ԱՄՆ ներկայիս առաջնորդ Ջո Բայդենի հակառուսական հրամանագրերը։ Այս մասին գրում է Financial Times-ը։
«Եվրահանձնաժողովի պաշտոնյաները հրամայել են վերլուծել Բայդենի հրամանագրերը՝ սկսած Ռուսաստանի դեմ պատժամիջոցներից մինչև կիբերանվտանգություն՝ հասկանալու, թե ինչպես կարող է դրանց չեղարկումը ազդել ԵՄ-ի վրա»,- ասել են աղբյուրները։
Հրատարակությունը նշում է, որ Թրամփը կարող է շատ միջոցներ չեղարկել միայն այն պատճառով, որ դրանք ներդրվել են իր նախորդ Բայդենի կողմից։
Եվրամիությունը նույնպես չի հասկացել Թրամփի հայտարարությունները Գրենլանդիայի և Պանամայի ջրանցքի վերաբերյալ։ Այս մասին հայտարարել է Գերմանիայի կանցլեր Օլաֆ Շոլցը։
Թրամփն իր խնդրո առարկա հայտարարություններում ասել է, որ Կանադան և Գրենլանդիան պետք է դառնան ԱՄՆ-ի մաս։ Պետության ընտրված ղեկավարը հավելել է նաև, որ մտադիր է Պանամայի ջրանցքը վերադարձնել ԱՄՆ-ի վերահսկողությանը և Մեքսիկական ծոցը վերանվանել Ամերիկյան ծոց։
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
