Իսրայելը ՀԱՄԱՍ-ի «ամբողջական ոչնչացման» ծրագիր կմշակի

Իսրայելի պաշտպանության նախարար Իսրայել Կացը զինվորականներին հանձնարարել է մշակել պաղեստինյան ՀԱՄԱՍ շարժումը «ամբողջությամբ ոչնչացնելու» ծրագիր, եթե նա պատանդներին չազատի մինչև ԱՄՆ նորընտիր նախագահ Դոնալդ Թրամփի երդմնակալությունը: Այս մասին հայտնում է Times of Israel թերթը։

Լրագրողների տվյալներով՝ հունվարի 9-ի երեկոյան ռազմական գերատեսչության ղեկավարը հանդիպում է անցկացրել Իսրայելի պաշտպանության բանակի հրամանատարության ներկայացուցիչների հետ։ Հանդիպմանը մասնակցել է նաև բանակի գլխավոր շտաբի պետ Հերզի Հալևին։

«Եթե մինչև Թրամփի երդմնակալությունը չավարտվի պատանդների գործարքը, Գազայի հատվածում ՀԱՄԱՍ-ի լիակատար պարտությունը պետք է տեղի ունենա», - հանդիպման ժամանակ ասել է Կացը։

Այս ֆոնին նա պահանջել է մշակել պաղեստինյան շարժման «ամբողջական ոչնչացման» ծրագիր և «պարզաբանել» այն խնդիրները, որոնք կարող են խոչընդոտել դրա իրականացմանը։ Խոսքը, մասնավորապես, վերաբերում է հումանիտար և այլ ոլորտներում առկա դժվարություններին։