Լեհաստանը դժգոհ է Նեթանյահուին չկալանավորելու որոշումից

Լեհաստանի իշխանությունների որոշումը՝ Իսրայելի վարչապետ Բենիամին Նեթանյահուին ՄՔԴ-ի հրամանով չձերբակալելու մասին, եթե նա մասնակցի «Օսվենցիմ» համակենտրոնացման ճամբարի ազատագրման հիշատակին նվիրված միջոցառմանը, օրենքի ընտրովի կիրառում է և «փաստարկներ է տալիս Ռուսաստանին»: Այս մասին լեհական մամուլի գործակալության հետ զրույցում ասել է Նիկոլայ Կոպեռնիկոսի համալսարանի պրոֆեսոր Մաչեյ Ժենկևիչը, գրում է Gazeta-ն։

Նա ընդգծել է, որ սարսափով է նայում տեղի ունեցողին, քանի որ Լեհաստանի գործողությունները «բավական վտանգավոր դեպք են միջազգային իրավունքում»։ Ըստ փորձագետի՝ Իսրայելի գործողությունները կարելի է տարբեր կերպ գնահատել, բայց քանի որ Վարշավան որոշել է միանալ Հռոմի ստատուտին, պետք է համապատասխանի Միջազգային քրեական դատարանի որոշումներին։

Ժենկևիչը հիշեցրել է, որ նույն իրավիճակում Ռուսաստանի նախագահ Վլադիմիր Պուտինի ձերբակալության հրամանը հանդիպել է «լեհական կողմից հսկայական աջակցության»։