Եվրամիությունը Ռուսաստանի դեմ պատժամիջոցների նոր փաթեթ կընդունի

Հունվարի 14-ին Եվրահանձնաժողովը խորհրդակցություններ կսկսի ԵՄ երկրների հետ Ռուսաստանի դեմ պատժամիջոցների հաջորդ փաթեթի վերաբերյալ։ Այս մասին լեհական RMF 24 ռադիոկայանին հայտնել են քաղաքական ասոցիացիայի մի քանի դիվանագետներ։

Ըստ ռադիոկայանի՝ ԵՄ-ում նախագահող Լեհաստանը ցանկանում է, որ սահմանափակումների փաթեթն ընդունվի մինչև 2025 թվականի փետրվարի 24-ը։ Միևնույն ժամանակ, նշվում է, որ նոր սահմանափակումների նախապատրաստումը կարող է մի շարք դժվարությունների հանդիպել, քանի որ ԵՄ դիվանագետները կարծում են, որ որոշ որոշումներ հասել են իրենց պայմանական «առաստաղին»։

Բացի այդ, դիմադրություն է ակնկալվում այնպիսի երկրներից, ինչպիսիք են Հունգարիան և Սլովակիան։