«Սննդի և խմելու ջրի պակաս կա»․ Բլանկա Բլանկո (լուսանկարներ)

Հոլիվուդյան դերասանուհի Բլանկա Բլանկոն DailyMail.com-ի հետ զրույցում խոսել է Մալիբուում տիրող իրավիճակի մասին՝ Խաղաղ օվկիանոսի Պալիսադեսի սարսափելի հրդեհների ֆոնին:

Բլանկոն մնացել է Getty Villa-ի կողքին գտնվող տանը: Չնայած տունը կանգուն է մնացել, սակայն այրվել է տան շրջակայքի բուսականությունը։

«Իմ բախտը բերել է, որ տունը դեռ կանգուն է», - ասել է Բլանկան: «Ես այն քչերից եմ, ուստի գիտեմ, թե որքան աներևակայելի հաջողակ եմ», - ավելացրել է նա:

Նրա խոսքով՝ տարածքում լարվածություն է, սննդի և խմելու ջրի պակաս կա։

«Ես գնացի մթերային խանութ, և դարակների վրա գրեթե ոչինչ չկար: Դժվար է շշալցված ջուր գտնել, հացը քիչ է, թեև մակարոնեղենն ու համեմունքները շատ են»,- նշել է նա։