Գերմանիան հատուկ զորամաս է ստեղծում երկրի ներսում կարևոր օբյեկտները պաշտպանելու համար
Համաշխարհային Մամուլ
Գերմանական ցամաքային ուժերը ձևավորում են չորրորդ դիվիզիա, որը նախատեսված է երկրի տարածքում կարևոր օբյեկտները պաշտպանելու համար։ Այս մասին հայտնում է DPA գործակալությունը։
Նոր դիվիզիան մեկ հրամանատարության ներքո կմիավորի ակտիվ հերթապահ և պահեստազորի անձնակազմին։ Այն կտեղակայվի փուլերով, իսկ մինչև ապրիլի 1-ը պետք է ամբողջությամբ ինտեգրվի ցամաքային զորքերին։
Ստորաբաժանման առաջնային առաքելությունը կլինի կենսական ենթակառուցվածքների պաշտպանությունը, ինչպիսիք են նավահանգիստները, երկաթուղային կայարանները, լոգիստիկ կենտրոնները, խողովակաշարերը, տրանսպորտային հանգույցները և թվային համակարգերը: Դիվիզիայի ստեղծումը կապված է Գերմանիան օպերատիվ բազա և տարանցիկ կետ դարձնելու պլանների հետ՝ ՆԱՏՕ-ի ուժերը դեպի արևելյան ուղղությամբ տեղափոխելու համար։
Խաղաղ ժամանակ դիվիզիայի զինծառայողները աջակցություն կցուցաբերեն քաղաքացիական ծառայություններին արտակարգ իրավիճակների, այդ թվում՝ բնական աղետների, համաճարակների և ահաբեկչական հարձակումների հետևանքների վերացման գործում։
Նոր ստորաբաժանման ստեղծման որոշումը կայացրել է Գերմանիայի պաշտպանության նախարար Բորիս Պիստորիուսը՝ որպես Բունդեսվերի վերակառուցման մաս՝ ի պատասխան անվտանգության փոփոխված իրավիճակի և մարտական պատրաստության աճող անհրաժեշտության:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
