Սիրիայում Ասադի կողմնակիցին հրապարակայնորեն մահապատժի են ենթարկել. The Telegraph

Սիրիայի նոր իսլամիստական ​​վարչակազմի հետ կապված զինյալները հրապարակայնորեն մահապատժի են ենթարկել երկրի տապալված նախագահ Բաշար ալ-Ասադի կողմնակիցին, հայտնում է The Telegraph-ը՝ հղում անելով Մարդու իրավունքների սիրիական դիտորդական կենտրոնին։

Կազմակերպության տվյալներով՝ ուրբաթ առավոտյան զինյալները կրակել են Մազեն Քնենեի գլխին Սիրիայի մայրաքաղաք Դամասկոսի արվարձան Դումմարի փողոցներից մեկում։  

Համացանցում տարածված տեսանյութում երևում է, որ տղամարդու մարմինը կապված է ծառի բնին, նրա կաշվե բաճկոնն ու ջինսը՝ արյունոտված են գլխին ստացած գնդակից: