Հայաստանում միջին տարեկան գնաճը 2025 թվականին կկազմի 2,2 տոկոս․ ՄԱԿ-ի կանխատեսումները

ՄԱԿ-ն ընթացիկ տարում Հայաստանում ակնկալում է 5,2% տնտեսական աճ, ասվում է World Economic Situation and Prospects 2025 կազմակերպության հրապարակած զեկույցում: 

2026 թվականի համար կազմակերպությունը Հայաստանի ՀՆԱ-ի 4,7 տոկոս աճ է կանխատեսում։ ՄԱԿ-ի գնահատականներով՝ 2024 թվականի արդյունքներով Հայաստանի ՀՆԱ-ն աճել է 6%-ով՝ 2023 թվականի 8,7% աճից հետո։ Հայաստանում միջին տարեկան գնաճը 2025 թվականին կկազմի 2,2 տոկոս, 2026 թվականին՝ 2,3 տոկոս, նշվում է զեկույցում։ 

Հայաստանի 2024 թվականի պետական բյուջեով նախատեսված է ՀՆԱ-ի 7% աճ, 2025 թվականի համար նախատեսված է 5,1% տնտեսական աճ: 2024 թվականին գնաճի թիրախային մակարդակը 4% է։ 2025 թվականին միջին գնաճը կանխատեսվում է 3.5%: