Ռուսաստանում ամուրյան վագրը մարդ է կերել

Պրիմորսկի երկրամասի Դալներեչենսկի շրջանում ամուրյան վագրը հարձակվել է տղամարդու վրա։ Վերջինս մահացել է։ Ամուրյան վագրերի կենտրոնի տվյալներով՝ մահացածը գիշերը ձկնորսություն է կատարել Զիմնիկի գյուղի մոտ, գրում է Kommersant-ը։

«Հունվարի 14-ի առավոտյան որսի տեսչությունը հաղորդագրություն է ստացել, որ Դալներեչենսկի մունիցիպալ շրջանում՝ Զիմնիկի գյուղի տարածքում, վագրը հարձակվել է մարդու վրա։ Օպերատիվորեն դեպքի վայր են ժամանել որսի տեսուչներն ու ոստիկանության աշխատակիցները։

«Ցավոք, տեղեկությունը հաստատված է, որ տեղում հայտնաբերվել է մարդու դի և վագրի հետքեր»,- ասել է մարզի անտառտնտեսության և բնական պաշարների փոխնախարար Ֆիլիպ Շուտովը։

Կենդանու ագրեսիվ պահվածքի պատճառները ներկայումս պարզվում են։