AZAL-ի սև արկղերը շատ հետաքրքիր տեղեկություններ են տվել․ Լավրով

Ակտաուում կործանված Բաքու-Գրոզնի ինքնաթիռի սև արկղերի պարունակությունը «մեծ հաշվով» չի հաստատում լրատվամիջոցներում հայտնված աղետի մասին տեղեկատվությունը, մամուլի ասուլիսում հայտարարել է ՌԴ ԱԳ նախարար Սերգեյ Լավրովը, գրում է Rbc-ն։

«Բրազիլիայում հատուկ հանդիպում է եղել, բացվել են սև արկղերը։ Դրանց բովանդակությունն արդեն շատ հետաքրքիր տեղեկություններ է տվել, որոնց բովանդակությունը ևս մեկ անգամ համոզում է մեզ, որ պետք է սպասել ամբողջական հետաքննության, այլ ոչ թե այժմ մեդիա տարածքում մթնոլորտը աշխուժացնել՝ օգտագործելով տեղեկատվություն, որը, մեծ հաշվով, չի հաստատվում սև արկղերից ստացված տեղեկություններով»,- ասել է ռուս նախարարը։