Ռուսաստանի դեմ պատժամիջոցները ժամանակավոր երևույթ է․ ԱԳՆ

Ռուսաստանի դեմ Միացյալ Նահանգների երկրորդական պատժամիջոցներն ի վերջո կդադարեն գործել բազմաբևեռ աշխարհում: Այս մասին հայտարարել է ՌԴ ԱԳՆ տնտեսական համագործակցության դեպարտամենտի տնօրեն Դմիտրի Բիրիչևսկին, փոխանցում է РИА Новости-ն։

«Ես վստահ եմ, որ ժամանակի ընթացքում Վաշինգտոնի թերի մոտեցումը, որը հիմնված է «պատժամիջոցների շանտաժի» վրա, պարզապես կդադարի գործել»,- ասել է նա։

Բիրիչևսկու խոսքով՝ պետությունների մեծ մասը միջազգային հարաբերություններում, այդ թվում՝ առևտրում, հավասարության, բացության և գործընկերության պահանջ ունի։ Նա ընդգծել է, որ ոչ ոք չի ցանկանում շփվել «շորթիչների և շանտաժիստների» հետ, այսինքն՝ նախկին ռուս գործընկերների հետ արտերկրից։

Բիրիչևսկին հավելել է, որ Ռուսաստանը մեկ անգամ չէ, որ ասել է, որ դիմակայելու է պատժամիջոցների աճող ճնշմանը։