Մասկը շնորհավորել է Բեզոսին

SpaceX-ի գործադիր տնօրեն Իլոն Մասկը շնորհավորել է իր մրցակցին՝ Blue Origin-ի հիմնադիր Ջեֆ Բեզոսին New Glenn հրթիռի առաջին հաջող արձակման կապակցությամբ։ Այս մասին նա գրել է X սոցիալական ցանցի իր էջում։

«Շնորհավորում եմ Ձեզ առաջին փորձից ուղեծիր մտնելու կապակցությամբ», - ասել է նա:

Ամերիկյան Blue Origin ընկերությունը հունվարի 16-ին առաջին անգամ արձակել է իր New Glenn ծանր հրթիռը։ Արձակումը տեղի է ունեցել Կանավերալ հրվանդանի (Ֆլորիդա) տիեզերակայանի LC-36 հարթակից՝ Երևանի ժամանակով՝ 11:03-ին։ 

Ըստ Blue Origin-ի հայտարարության՝ հրթիռը Երկրի ցածր ուղեծիր կարձակի Blue Ring Pathfinder-ը, որի ներկայությունը անհրաժեշտ է Blue Ring մեքենայի հիմնական տեխնոլոգիաները փորձարկելու համար։ Այն կարող է երեք տոննա ընդհանուր զանգվածով բեռ ուղարկել Երկրի ցածր ուղեծիր: