«Ռենե, մենք չենք կարող հավատալ, որ դու չկաս արդեն ինը տարի»․ Դիոն (լուսանկարներ)

Սելին Դիոնը հարգանքի տուրք է մատուցում իր հանգուցյալ ամուսնուն՝ Ռենե Անժելիլին, փոխանցում է People-ը։

Երեքշաբթի օրը՝ հունվարի 14-ին, 56-ամյա լեգենդար երգչուհին լուսանկար է տարածել իր երեք որդիների հետ՝ նշելու Անժելիլի մահվան իններորդ տարելիցը: Նա մահացել է կոկորդի քաղցկեղից 2016 թվականին 73 տարեկան հասակում։

«Ռենե, մենք չենք կարող հավատալ, որ դու չկաս արդեն ինը տարի»,- գրել է Դիոնը։

«Ոչ մի օր չի անցնում, որ մենք չզգանք քո ներկայությունը, Ռ.Ս-ն, Էդդին, Նելսոնը և ես։ Դու իմ ամենամեծ չեմպիոնն էիր, իմ գործընկերը և նա, ով միշտ լավագույնն էր տեսնում իմ մեջ: Ես հարգում եմ քեզ և հավերժ կարոտում եմ քեզ, սիրելիս։ Մենք սիրում ենք քեզ:» հավելել է նա։