Ռուսական զորքերը մոտ ժամանակներում դուրս կբերվեն Հայաստանից. Կոլերովը՝ ՀՀ-ԱՄՆ գործընկերության մասին (տեսանյութ)

Ռուսաստանում, մեղմ ասած, ոգևորված չեն Արևմուտքի հետ Հայաստանի կապերի ակտիվ զարգացմամբ, մասնավորապես՝ Եվրամիությանն անդամակցելու ձգտումներով և Միացյալ Նահանգների հետ ռազմավարական գործընկերության ձևավորմամբ: Թեև պաշտոնական Մոսկվան հայտարարել է, որ Հայաստանի և ԱՄՆ-ի ռազմավարական գործընկերության զարգացումը Հայաստանի Հանրապետության ինքնիշխան իրավունքն է: Մինչդեռ ոչ պաշտոնական դաշտում բոլորովին այլ գնահատականներ են տրվում: Տարածաշրջանում Ռուսաստանի քաղաքականության հանդեպ աճող դժգոհության և հայ-ռուսական հարաբերությունների վատթարացման պայմաններում Միացյալ Նահանգների հետ հարաբերությունների խորացումը շատերը Հայաստանում սկսում են ընկալել որպես երկար սպասված աշխարհաքաղաքական շրջադարձ, որն անհրաժեշտ է նոր «մեծ եղբայր»՝ այլընտրանքային ռազմավարական դաշնակից գտնելու համար:

Ռուսաստանցի քաղաքական վերլուծաբան, ռուսական «Ռեգնում» լրատվական գործակալության նախկին գլխավոր խմբագիր Մոդեստ Կոլերովը փոքր-ինչ այլ կերպ է գնահատում իրողությունները: Euromedia24-ի հետ զրույցում քաղաքագետը կարծիք հայտնեց, որ Փաշինյանի կառավարության կողմից աշխարհաքաղաքական շրջադարձը ոչ թե Միացյալ Նահանգների հետ ռազմավարական գործընկերության մասին փաստաթղթի ստորագրումն էր, այլ ՀԱՊԿ-ին Հայաստանի անդամակցության սառեցումը:

Մանրամասները՝ տեսանյութում:

Հեղինակ՝ Արամ Սարգսյան