Իսրայելը Պաղեստինին չի հանձնի հարկերից ստացված եկամուտը

Ժամանակավոր խաղաղության պայմաններում Իսրայելը հավաքել է շուրջ 100 մլն դոլար ամսական հարկ օկուպացված Արևմտյան ափից և հրաժարվում է այն հանձնել Պաղեստինին. տեղեկացնում է Reuters գործակալությունը:

Երեքշաբթի երեկոյան տեղի ունեցած հարցազրույցի ժամանակ Իսրայելի ԱԳ նախարար Ավիգդոր Լիբերմանը նշել է. «Պաղեստինցիները կարող են հույս չունենալ, որ այդ եկամուտներից կարող են անգամ մեկ դրամ ստանալ գալիք չորս ամսվա ընթացքում, իսկ հաջորդ չորս ամսվա ընթացքում կքննարկվի այդ հարցը»:

Իսրայելը նշում է, որ Աբասը խախտել է խաղաղության պայմանները` արդիականացնելով Պաղեստինի ստատուսը ՄԱԿ-ում անցած ամիս:
Իսրայելն արդեն չի հանձնել դեկտեմբերի փոխանցումները, պատճառաբանելով, որ Պաղեստինը 200 մլն դոլար էներգիայի պարտք ունի Իսրայելին:

Լիբերմանը նշեց, որ Պաղեստինն Իսրայելին նաև ջրի պարտք ունի:

Պաղեստինյան պաշտոնյա Յասեր Աբեդ Ռաբոն մեղադրել է Իսրայելին գողության համար, քանի որ հրաժարվում է հանձնել ֆոնդերը:
ՄԱԿ-ը ևս մեղադրել է Իսրայելին փողերը չհանձնելու մեջ` նշելով՝ «Ամեն տեսակի պայմանագրային պարտավորությունները պետք է կատարվեն»:

Մինչ այդ Իսրայելը հրաժարվել էր հանձնել վճարները Պաղեստինին լարված դիվանագիտական հարաբերությունների ժամանակ, երբ ՅՈՒՆԵՍԿՕ-ն Պաղեստինին լիովին անդամագրեց իր խմբին: