Արդար դատավարության երաշխիքների լուրջ խախտումներ են գրանցվել․ Ռուբեն Վարդանյանի իրավապաշտպան

Ադրբեջանի իշխանությունները նախազգուշացրել են, որ նախկին պետնախարարը, ինչպես նաև Արցախի ութ այլ գերի ընկած ղեկավարներ, այդ թվում՝ հանրապետության երեք նախկին նախագահներ, պետք է պատասխան տան իրենց գործողությունների համար քրեական օրենքի շրջանակներում։ Այս մասին հայտնում է Le Figaro-ն։

Ռուբեն Վարդանյանի իրավապաշտպան Ջարեդ Գենսերը ցավում է, որ դեռ դատավարության սկսվելուց առաջ արձանագրել է «արդար դատավարության երաշխիքների լուրջ խախտումներ, որոնք միջազգային իրավական չափանիշների կոպիտ խախտում են»։ Նա կարողացավ մուտք գործել իր պաշտպանյալի գործը բացումից մեկ շաբաթ առաջ միայն: «Իշխանությունները դա հիմնավորել են պետական ​​գաղտնիքները վկայակոչելով»,- բացատրում է նա «Ֆիգարո» թերթին՝ մանրամասնելով, որ ավելի քան 20000 էջանոց ֆայլը եղել է նաև ադրբեջաներեն և ռուսերեն լեզուներով, որոնց ամերիկացի փաստաբանը չի տիրապետում։

Փաստաբան Ջարեդ Գենսերի խոսքով՝ Ադրբեջանի իշխանությունները հենց այս քաղաքական գործընթացի միջոցով «ցանկանում են ընդմիշտ ապամոնտաժել այն ամենը, ինչ մնացել է նախկին Արցախի Հանրապետության օրգաններից՝ նպատակ ունենալով ջնջել նրա գոյության բոլոր հետքերը»։ Բաքվի բլից-կրիգից հետո, որը ներկայացվեց որպես «հակաահաբեկչական գործողություն» 2023 թվականի սեպտեմբերին և որը խլել է մոտ 400 մարդու կյանք, այդ թվում՝ բազմաթիվ խաղաղ բնակիչների, ինքնահռչակ հանրապետության իշխանությունները ստիպված եղան ստորագրել իրենց հաստատությունները լուծարելու մասին հրամանագիրը։