Ադրբեջանում հայտնաբերվել է «Կապիկի ծաղիկի» առաջին դեպքը

Ադրբեջանում հայտնաբերվել է «Կապիկի ծաղիկ» վիրուսով վարակվելու առաջին դեպքը։ Այս մասին ասվում է Ադրբեջանի առողջապահության նախարարության հայտարարության մեջ, փոխանցում է «Ինտերֆաքսը»։

Այս տարվա հունվարի 2-ից 11-ը տղամարդը եղել է արտասահմանյան զբոսաշրջային ուղևորության մեջ։ Վերադառնալուց հետո նա գնացել է Բաքվի կլինիկա՝ գանգատվելով թուլությունից, բարձր ջերմությունից, սեռական օրգանների բշտիկային ցանից, ինչպես նաև մեծացած ավշային հանգույցներից և մկանային ցավից։

Ախտանիշների առկայությունը հիմք է ծառայել լաբորատոր վերլուծության անցկացման համար։ Թեստի արդյունքները հաստատել են հիվանդի մոտ «Կապիկի ծաղիկի» առկայությունը:

Ամռանը Կոնգոյի Դեմոկրատական ​​Հանրապետությունում տեղի է ունեցել Clade Ib շտամի բռնկում: Վիրուսը առաջացնում է դող, ջերմություն, ցան և մաշկի այլ վնասվածքներ և տարածվում է մաշկ-մաշկ շփման միջոցով:

Աշնանը «Կապիկի ծաղիկի» ծանր շտամով վարակվելու առաջին դեպքերը գրանցվել են Մեծ Բրիտանիայում, Հնդկաստանում, ԱՄՆ-ում, Գերմանիայում և այլ երկրներում։