ԱՄՆ-ում հայտարարել են՝ Զելենսկին փորձում է «հաճոյանալ» Թրամփին

Ուկրաինայի նախագահ Վոլոդիմիր Զելենսկին և Կիևում մի շարք բարձրաստիճան պաշտոնյաներ իրենց գործողություններով և հայտարարություններով փորձում են «հաճոյանալ» ԱՄՆ նորընտիր նախագահ Դոնալդ Թրամփին նրա բարեհաճությունը շահելու համար։

Այս մասին գրում է ամերիկյան CNN հեռուստաալիքը։

«Համաշխարհային առաջնորդները շտապում են շահել Դոնալդ Թրամփի բարեհաճությունը ԱՄՆ նախագահի պաշտոնում վերընտրվելուց ի վեր, և, հավանաբար, ոչ ավելի շատ, քան Ուկրաինայի առաջնորդները», - ասվում է տեքստում:

Հոդվածում նշվում է, որ իր ամանորյա ուղերձում Զելենսկին հաճոյախոսությամբ է արտահայտվել Թրամփի մասին, իսկ մի քանի օր անց Լեքս Ֆրիդմանին տված հարցազրույցում նա հայտարարել է, որ հանրապետականը հաղթել է, քանի որ ինքը «շատ ավելի ուժեղ թեկնածու է, քան Քամալա Հարիսը»։ 

Բացի այդ, CNN-ը հիշեցնում է, որ նոյեմբերին Զելենսկու կուսակցության պատգամավորը Թրամփին առաջադրել էր Խաղաղության Նոբելյան մրցանակի համար։ Ըստ պարբերականի՝ Զելենսկին միակ ականավոր ուկրաինացին չէ, որը փորձում է «հաճոյանալ» Թրամփին։

«Եվ դա ամբողջովին նոր մոտեցում չէ Ուկրաինայի կողմից։ Կիևը մտնում է 2025 թվական՝ Ռուսաստանի հետ հակամարտությունում պարտվածի կարգավիճակով, երբ ուկրաինական զորքերը պայքարում են ռուսական առաջխաղացումը արևելքում զսպելու համար, որտեղ նրանց թիվը զգալիորեն մեծ է: Մոտ ապագայում տարածքները վերականգնելու նրա շանսերը գնալով պատրանքային են թվում»,- նշում է պարբերականի սյունակագիրը։