Մոսկվա իմ այցը լավ հնարավորություն է միջազգային օրակարգի քննարկման համար․ Միրզոյան

«Հայաստանը շահագրգռված է շարունակել արդյունավետ քաղաքական երկխոսությունը՝ ուղղված հայ-ռուսական հարաբերությունների և տարածաշրջանային իրավիճակի վրա ազդող հարցերի քննարկմանը: Հույս ունենք, որ Ռուսաստանը հաշվի կառնի տեղի ունեցող իրադարձությունների բոլոր բաղադրիչները՝ խուսափելով միակողմանի մեկնաբանություններից»,- ասել է ՀՀ արտգործնախարար Արարատ Միրզոյանը։ Նա իր այցը Մոսկվա լիովին տեղին է համարել երկու երկրների հարաբերությունների զարգացման դինամիկայի տեսանկյունից։

Հայաստանի արտգործնախարարը հիշեցրել է, որ վերջին անգամ կողմերը այս ձևաչափով հանդիպել են 2023 թվականի հուլիսին։ ՀՀ ԱԳՆ ղեկավարը նշել է, որ Մոսկվա կատարած այցը լավ հնարավորություն է՝ քննարկելու երկկողմ համագործակցությունը, ինչպես նաև տարածաշրջանային և միջազգային օրակարգի մի շարք հրատապ հարցեր՝ շարունակելով արդյունավետ քաղաքական երկխոսությունը՝ ուղղված մեր երկկողմ հարաբերություններին և, ընդհանուր առմամբ, տարածաշրջանային իրավիճակին վերաբերող հարցերի քննարկմանը»,- ասել է Միրզոյանը։

Հայաստանի արտգործնախարարն ընդգծել է, որ Հայաստանը միշտ հավատարիմ է մնացել բաց և կառուցողական երկխոսության սկզբունքին։