Թրամփը Բայդենի 78 որոշում չեղյալ է համարել․ CNN

Ամերիկայի առաջնորդ Դոնալդ Թրամփը իր երդմնակալությունից հետո չեղարկել է նախկին նախագահ Ջո Բայդենի 78 գործադիր հրաման և հուշագիր։ Այս մասին հայտնում է CNN-ը։

Նրա խոսքով՝ Թրամփը, Վաշինգտոնի Capital One Arena մարզահամերգային համալիրում իր կողմնակիցների հետ հանդիպման ժամանակ, ստորագրել է մի շարք հրամանագրեր՝ չեղյալ համարելով Բայդենի որոշումները։ «ԱՄՆ նոր նախագահը չեղյալ է համարել նախորդ վարչակազմի 78 գործադիր հրաման ու հուշագիր»,-նշում է CNN-ը։

Ավարտելուց հետո ամերիկացի առաջնորդը ամբոխի մեջ է նետել գրիչները, որոնցով ստորագրել է փաստաթղթերը, հաղորդում է հեռուստաալիքը։

2017-ին նախագահ դառնալու իր առաջին օրը Թրամփը ստորագրեց ընդամենը մեկ գործադիր հրաման, որը վերաբերում էր առողջապահության մասին օրենքի դրույթներին: