Որ երկիր կմեկնի ԱՄՆ նոր պետքարտուղար Մարկո Ռուբիոն առաջին օտարերկրյա այցով. Bloomberg

ԱՄՆ պետքարտուղար Մարկո Ռուբիոն հաջորդ շաբաթ կայցելի Պանամա՝ նախագահ Դոնալդ Թրամփի՝ Պանամայի ջրանցքի վերահսկողությունը ԱՄՆ-ին վերադարձնելու խոստումից հետո: Այս մասին հայտնում է Bloomberg-ը։

Գործակալությունը գրում է, որ պետքարտուղարության նոր ղեկավարի առաջին արտասահմանյան ուղևորությունը պետք է ընդգծի Պանամայի ջրանցքի մասին Թրամփի հայտարարությունների լրջությունը։

Ռուբիոն նախատեսում է նաև այցելել Գվատեմալա, Կոստա Ռիկա և Էլ Սալվադոր՝ Լատինական Ամերիկայի երկրներ իր շրջագայության շրջանակներում, նշվում է հոդվածում։

Հունվարի 20-ին իր երդմնակալության ուղերձում Թրամփը կրկնեց իր տեսակետը, որ Չինաստանը արդյունավետորեն վերահսկում է Պանամայի ջրանցքը ջրային ճանապարհի շուրջ իր աճող ներկայության շնորհիվ, որը Պանամային հանձնվել է 1990-ականների վերջին: «Մենք այն չենք տվել Չինաստանին, մենք այն տվել ենք Պանամային:

«Եվ մենք այն հետ կվերցնենք»,- ասել է քաղաքական գործիչը։