Վոլգոգրադի մերձակայքում ավտովթարի հետևանքով տուժած երեխաների թիվը ավելացել է

Վոլգոգրադի մարզում հունվարի 23-ին տեղի ունեցած ճանապարհատրանսպորտային պատահարից տուժած երեխաների թիվը հասել է տասի, նրանցից մեկը մահացել է։ Այս մասին հայտնել է տարածաշրջանային առողջապահության վարչության ղեկավար Անատոլի Սեբելևը։

Նա հայտնել է, որ վթարից հետո հիվանդանոց են տեղափոխվել յոթ երեխա, որոնցից մեկը մահացել է։ Երկուսի վիճակը գնահատվում է ծանր։

«Մնացած երեխաները հետազոտվել են տանը: Հետազոտվածներից երեքը գտնվում են Օկտյաբրսկայայի կենտրոնական շրջանային հիվանդանոցում, նրանք լրացուցիչ բժշկական հսկողության կարիք ունեն»,- ասել է Սեբելևը:

Lurer.com-ը РЕН ТВ-ին հղումով հայտնում է, որ բացի այդ, վթարից տուժած մեքենայի ուղևորը տեղափոխվել է Վոլգոգրադի հիվանդանոցներից մեկը։