Շամպայնը դո՞ւրս է գալիս վաճառքից (լուսանկարներ)

Ներքին շուկայում շամպայնի վաճառքը նվազել է 7,2%-ով և կազմել 118,2 մլն շիշ։ Սա վաճառքի ամենացածր ցուցանիշն է 1985 թվականից ի վեր, գրում է Decanter-ը։

Արտահանումն էլ ավելի վատ է եղել՝ նվազելով 10,8%-ով՝ կազմելով 153,2 մլն շիշ։ Շամպայնի պահանջարկն այսքան թույլ չէր 2002 թվականից ի վեր, երբ աշխարհը վերականգնվում էր dot-com փուչիկից և սեպտեմբերի 11-ի հարձակումից:

Մաքսիմ Թուբարդը՝ Champagne Syndicat Général des Vignerons (SGV) նախագահ և Շամպայնի կոմիտեի համանախագահ, ասել է. «Շամպայնը սպառողների տրամադրությունների իսկական բարոմետր է: Հիմա տոնելու ժամանակը չէ՝ հաշվի առնելով գնաճը և գլոբալ հակամարտությունները, ինչպես նաև տնտեսական և քաղաքական անորոշությունը շամպայնի որոշ խոշորագույն շուկաներում, ինչպիսիք են Ֆրանսիան և Միացյալ Նահանգները»: