Թուրքիայում հայտարարել են՝ գարնանը կարող են մեկնարկել ռուս-ուկրաինական բանակցությունները

Ուկրաինայում հակամարտության խաղաղ կարգավորման շուրջ բանակցությունները կարող են սկսվել ապրիլ-մայիսին, գրում է թուրքական Hürriyet թերթը։

Հրատարակության սյունակագիր Աբդուլքադիր Սելվիի խոսքով` խաղաղ բանակցություններից առաջ հրադադար կհայտարարվի։ Բուն բանակցային գործընթացում Թուրքիան կարող է ստանձնել «որոշակի առաքելություն», իսկ նախագահ Ռեջեփ Թայիփ Էրդողանին կարող է տրվել միջնորդի դեր, քանի որ նա միակ քաղաքական գործիչն է, ով կարող է շփվել թե՛ ՌԴ նախագահ Վլադիմիր Պուտինի, թե՛ Ուկրաինայի նախագահ Վոլոդիմիր Զելենսկու հետ։ 

«Հիմա մենք ունենք Թրամփին և Պուտինին, ովքեր խաղաղություն են ուզում։ Զելենսկին, ով կորցրել է ամերիկյան աջակցությունը, շանս չունի փախչելու բանակցությունների սեղանից»,- եզրափակել է Սելվին։