Տեխասի գիշերային ակումբում հրաձգություն է եղել
Համաշխարհային Մամուլ
Տեխասի Ամարիլո քաղաքի գիշերային ակումբում հրաձգություն է տեղի ունեցել, ինչի հետևանքով մեկ մարդ զոհվել է, ութը՝ վիրավորվել, հայտնում է քաղաքի ոստիկանությունը։
Ոստիկանության կայքում հրապարակված հաղորդագրության համաձայն՝ ողբերգությունը տեղի է ունեցել հունվարի 26-ին։ Անհայտ զինված տղամարդը մեքենայով բարձրացել է գիշերային ակումբ, իջել և կրակ բացել մեծ ամբոխի վրա։ Դրանից հետո տղամարդը նորից նստել է մեքենան և հեռացել։ Հայտարարության մեջ նշվում է, որ տուժածներից ինը հոսպիտալացվել են, սակայն նրանցից մեկը մահացել է հիվանդանոցում։
«Հետաքննության ընթացքում պարզվել է, որ ինը մարդ հրազենային վնասվածքներ է ստացել։ Զոհերից մեկը՝ 25-ամյա Ջոն Լավ Լուիման, մահացել է հիվանդանոցում՝ բազմաթիվ հրազենային վնասվածքներից»,- ասվում է Ամարիլոյի ոստիկանության հաղորդագրության մեջ։
Ականատեսների շնորհիվ ոստիկանները հայտնաբերել են կրակողի մեքենան։ Արդյունքում՝ հանցագործության մեջ կասկածվող երեք անձինք բերման են ենթարկվել։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
