Անկարայում քննարկվել է Կարսի անցակետի հնարավոր բացումը

Հայ-ադրբեջանական կարգավորման գործընթացում Թուրքիայի հատուկ ներկայացուցիչ Սերդար Քըլըչի գլխավորությամբ Անկարայում տեղի է ունեցել հանդիպում:

Քըլըչը Թուրքիայի ԱԳՆ Կովկասի և Միջին Ասիայի ստորաբաժանման ղեկավարի տեղակալ Այշե Ուզերի, ԱԳՆ ներկայացուցիչներ Արիֆ Էքմեքչի և Օնդեր Աքգյունի հետ Անկարայում ընդունել է Կարսի առևտրի և արդյունաբերության պալատի կառավարման խորհրդի նախագահ Քադիր Բոզանին, խորհրդի նախագահ Իդրիս Աջային և կառավարման խորհրդի անդամներին։

Հանդիպմանը քննարկվել է Կարսում «Արևելյան դարպասներ» սահմանային անցակետի բացումը և տարածաշրջանի դռները բացելու հնարավոր սոցիալ-տնտեսական հետևանքները: 

Սերդար Քըլըչը, մանրամասն ներկայացնելով գործընթացը, այն կարևոր է համարել շրջանի ու երկրի համար:

Կարսի Առևտրաարդյունաբերական պալատի տնօրենների խորհրդի նախագահ Քադիր Բոզանը հանդիպման ժամանակ իր ելույթում ասել է. «Մենք ուշադիր հետևում ենք Ադրբեջանի, Թուրքիայի և Հայաստանի հարաբերությունների կարգավորման գործընթացին և կարծում ենք, որ «Արևելյան դարպաս»-ի բացումը Ադրբեջանի, Թուրքիայի և Հայաստանի միջև խնդիրների վերացումից և կարգավորումից հետո մեծապես կնպաստի ոչ միայն Կարսի, այլև տարածաշրջանի տնտեսական և սոցիալական զարգացմանը»։