«Հայկական ժամանակ». նյու ղեկավար
Հայկական Մամուլ
Թերթը գրում է. «Կառավարության իրազեկ աղբյուրները «ՀԺ»-ին հայտնում են, որ վարչապետ Տիգրան Սարգսյանը մտադիր է Ազգային ժողով գործուղել իր աշխատակազմի ղեկավարի տեղակալ Տիգրան Գևորգյանին՝ ԱԺ աշխատակազմի ղեկավարի կարգավիճակով:
Մի առիթով վարչապետը նեղ շրջանակում արդեն հայտարարել էր՝ ԱԺ աշխատակազմի ղեկավարին էլ իմ մարդուն նշանակեմ, խորհրդարանը լրիվ իմը կլինի: ՀՀԿ-ականների շրջանում խոսվում է, թե առաջիկա խորհրդարանական ընտրություններից հետո Տիգրան Սարգսյանը թերևս դառնա ԱԺ նախագահ և հիմիկվանից իր մարդկանց է փորձում գործուղել ԱԺ: Իսկ Տիգրան Գևորգյանը նախկինում եղել է Երևանի Կենտրոն և Նորք-Մարաշ համայնքների առաջին ատյանի դատարանի աշխատակազմի ղեկավար, Վերաքննիչ քրեական դատարանի աշխատակազմի ղեկավար, «SCM», «Ուկրաինսկի Ռիթեյլ» ՍՊԸ գլխավոր տնօրենի տեղակալ: Այս պահին, ինչպես հայտնել ենք, Գեղամ Ղարիբջանյանի փոխարեն ԱԺ աշխատակազմի ղեկավարի պարտականությունները դրված են երգչուհի Սոֆի Մխեյանի հոր՝ Գագիկ Մխեյանի վրա, որը նույնպես փորձում է տիրանալ այդ պաշտոնին: Նրա հնարավորությունները, սակայն, բարձր չեն գնահատվում»:
ՈՒՂԻՂ ԵԹԵՐ
Ամենադիտված 
Մահացել է երգիչ Հովհաննես Գրիգորյանը
