Սիրիայի ներքին ընդդիմությունը պատրաստ է առանց նախապայմանների բանակցել Ասադի հետ

Սիրիայի ներքին ընդդիմությունը պատրաստ է բանակցել կառավարության հետ և դրա համար նախագահ Բաշար Ասադի հրաժարականը նախապայման չի դնում: Այդ մասին հայտնել է Մոսկվա ժամանած սիրիական ընդդիմադիր «Ազգային ճակատ հանուն փոփոխությունների և ազատագրման» կուսակցության պատվիրակության ղեկավար Քադրի Ջամիլը. փոխանցում է ИТАР- ТАСС-ը:

«Երկխոսությունն ուղղակի անհրաժեշտ է: Դա ճգնաժամից դուրս գալու միակ ելքն է: Իրավիճակն արդեն սրվել է, անհրաժեշտ է հասնել դրան»,-ասել է Ջամիլը:

Ազգային ճակատը նշել է, որ պատրաստ է բանակցել նախագահ Ասադի հետ, և պատասխանելով այն հարցին, թե արդյոք դրա համար անհրաժեշտ է Ասադի հրաժարականը, նա նշել է, որ չի դնում ոչ մի նախապայման:

Սիրիայի ներքին ընդդիմությունը «Սիրիայի բարեկամներին» համարում է իր երկրի թշնամիները:

Ակնկալվում է, որ այսօր Ազգային ճակատ պատվիրակության ղեկավարը կհանդիպի ՌԴ ԱԳՆ ղեկավարության հետ:

Խոսելով ընդդիմադիր և հեղափոխական ուժերի Ազգային կոալիցիայի մասին՝ նա նշել է, որ վերջինս թույլ և անկայուն խմբավորում է: «Նման տենդենց է նկատվում, քանի որ չի կարող այդօրինակ քաղաքականություն իրականացնել: Գլխավոր խնդիրն այժմ կոալիցիայի շարքերից արմատական ուժերին հեռացնելն է»:

Ջամիլը խոսել է նաև Սիրիայի կառավարության կողմից հնարավոր քիմիական զենք կիրառելու մասին: Նա մասնավորապես ասել է. «Այդ լուրերը համապատասխան տեղակտվական ֆոն են ստեղծում արտաքին միջամտության համար: Դա նման է զանգվածային ոչնչացման զենք օգտագործելու մասին Իրաքի լեգենդին»:

Իսկ ինչ վերաբերում է Թուրքիայի կողմից Patriot հրթիռների տեղակայմանը Սիրիայի հետ սահմանի վրա, ապա այդ միջոցառումները միանշանակ սխալ հասցեի են ուղղված, քանի որ Սիրիան չի սպառնում Թուրքիային: Ամերկացիները վաղուց են ցանկանում Թուրքիայում նման հրթիռներ տեղակայել: Սիրիան չի կարող և ժամանակ չունի սպառնալ Թուրքիային, քանի որ իր խնդիրներն էլ իրեն բավական են»,- եզրափակել է Ջամիլը: