Իրանի արտգործնախարարն առաջարկել է իսրայելցիներին Գրենլանդիա ուղարկել

Իրանի արտաքին գործերի նախարար Աբբաս Արաղչին ԱՄՆ նախագահ Դոնալդ Թրամփին առաջարկել է իսրայելցիներին վերաբնակեցնել Գրենլանդիայում՝ Գազայի հատվածի բնակիչներին արաբական երկրներում վերաբնակեցնելու փոխարեն, գրում է Euromedia24-ը։

 

«Իմ առաջարկն այլ է, ոչ թե պաղեստինցիները, թող փորձեն արտաքսել իսրայելցիներին, տանել նրանց Գրենլանդիա»,-ասել է Արաղչին Sky News-ին տված հարցազրույցում։ 

 

Հունվարի 25-ին Թրամփը լրագրողների հետ զրույցում ասել է, որ հնարավոր է համարում արաբական երկրներում վերաբնակեցնել Գազայի հատվածի այն բնակիչներին, ովքեր իսրայելական ընթացիկ ռազմական գործողությունների արդյունքում կորցրել են իրենց տանիքը։

 

Նրա խոսքով՝ խոսքը 1,5 միլիոն մարդու մասին է, որոնք պետք է վերաբնակեցվեն Գազայի հատվածից դուրս։ Թրամփը հավելել է, որ այս հարցը արդեն քննարկել է Հորդանանի թագավոր Աբդալլահ Երկրորդի հետ։