Ռումինիան F-16 կործանիչներ է օդ բարձրացրել

Ռումինիան 2 F-16 կործանիչ է օդ բարձրացրել Ուկրաինայի օդային տարածքում Ռումինիայի հետ սահմանի մոտ անօդաչու թռչող սարքերի հայտնվելու պատճառով։ Այս մասին հայտնել է Ռումինիայի ռազմական գերատեսչության մամուլի ծառայությունը, փոխանցում է ՏԱՍՍ-ը։

«Ժամը 03:20-ի սահմաններում (Երևանի ժամանակով՝ 05:20-ին) Ռումինիայի ռազմաօդային ուժերի երկու F-16 կործանիչներ են օդ բարձրացել Բորչեի 86-րդ ավիաբազայից՝ օդային իրավիճակը վերահսկելու համար», - նշել է մամուլի ծառայությունը։

Մոտ երկու ժամ անց ինքնաթիռները վերադարձել են բազա։ Ռումինիայի պաշտպանության նախարարության տվյալներով՝ անօդաչու թռչող սարքի ներթափանցում ազգային օդային տարածք չի գրանցվել։