«Աճպարարի է նման». Vogue-ը քննադատել է Մելանյա Թրամփի պաշտոնական դիմանկարը

Նորաձևության Vogue ամսագիրը քննադատել է ԱՄՆ առաջին տիկին Մելանյա Թրամփի պաշտոնական դիմանկարը։ Հոդվածը հրապարակված է հրատարակության պաշտոնական կայքում։

Հունվարի 27-ին Սպիտակ տունը ներկայացրել է Մելանյա Թրամփի դիմանկարը, որում նա կրում է Dolce & Gabbana-ի սև շալվար՝ Ralph Lauren-ի գոտիով և վերնաշապիկով: Vogue-ի խմբագիրները բարձր չեն գնահատել ԱՄՆ առաջին տիկնոջ ընտրությունը՝ նրան համեմատելով աճպարարի հետ։

«Բլեյզերի կամ բլուզի փոխարեն սմոքինգ կրելու ընտրությունը Թրամփին ավելի շատ նման է ինքն իրենով տարված աճպարարի, քան պետական ​​ծառայողի։ Զարմանալի չէ, որ կինը, ով ապրում էր ոսկով պատված պենտհաուսում, ում համբավն այնքան սերտորեն միահյուսված է ռեալիթի հեռուստատեսային կայսրության հետ, չհրաժարվեց թատերարվեստից՝ անգամ 248 տարվա ավանդույթի առջև»,- գրում են լրագրողները։

Խմբագիրները նշել են, որ նոր դիմանկարում Մելանյա Թրամփն ավելի զուսպ տեսք ունի, քան 2017 թվականին արված լուսանկարում, երբ Դոնալդ Թրամփը առաջին անգամ ստանձնեց ԱՄՆ նախագահի պաշտոնը։ Ըստ լրագրողների՝ ընտանիքն այժմ ցուցադրում է իր ուժն ու հարստությունը ոչ թե ադամանդե զարդերի միջոցով, այլ «2025 թվականի երդմնակալության առաջին շարքում նստած տեխնոլոգիական ղեկավարների փոքր շրջանակի միջոցով, որոնց ընդհանուր կարողությունը կազմում է ավելի քան մեկ տրիլիոն դոլար»։