Կձգտեմ ամեն ինչ անել, որ Ճապոնիայի զբոսաշրջիկների համար Սյունիքը գրավիչ ուղղություն դառնա. դեսպանը՝ մարզպետին
Արտաքին Քաղաքական
Սյունիքի մարզպետ Ռոբերտ Ղուկասյանն այսօր ընդունել է ՀՀ-ում Ճապոնիայի արտակարգ և լիազոր դեսպան Աոկի Յուտակային։
Սյունիքի մարզպետի աշխատակազմից հայտնում են, որ մինչ պաշտոնական զրույցը մարզպետն ու դեսպանը դիտարկել են Ճապոնիայի դեսպանության դրամաշնորհով վերջերս ձեռք բերված շտապօգնության մեքենան, որը սպասարկում է սահմանային մի քանի գյուղեր ու կահավորված է անհրաժեշտ տեխնիկական միջոցներով։
Ռոբերտ Ղուկասյանը ողջունել է բարձրաստիճան դիվանագետի երկրորդ այցը Սյունիք և շնորհակալություն հայտնել դեսպանության կողմից մարզում իրականացված աջակցության ծրագրերի համար։ Մարզպետը կարևորել է հատկապես արտակարգ իրավիճակներին դիմակայելուն ուղղված տեխնիկական օժանդակությունը, հիշատակել Քաջարան համայնքի գյուղական բնակավայրում խմելու ջրագծի կառուցման աշխատանքը։
Դեսպանը շնորհակալություն է հայտնել արդյունավետ համագործակցության համար ու շեշտել հայ և ճապոնացի ժողովուրդների որդեգրած արժեքների մեջ կարևոր ընդհանրությունը՝ ժողովրդավարությունը։
Պարոն Յուտական նշեց նաև, որ իր այցերի ընթացքում նկատել է մարզի զբոսաշրջային մեծ ներուժը և իր աշխատանքի ընթացքում կձգտի ամեն ինչ անել, որ Ճապոնիայի քաղաքացիների համար Սյունիքն այդ առումով գրավիչ ուղղություն դառնա։
ՈՒՂԻՂ ԵԹԵՐ
Ամենադիտված 
Ես տրամադրված եմ լքել ԱՄՆ–ն, Հայաստանը մեր ձեռքից գնում է․ Վարդան Ղուկասյան
