Թրամփի դրամաշնորհային արշավը լուրջ սպառնալիք է ներկայացնում․ CNN
Վերլուծական
Երկու էջանոց հուշագիրը՝ 1000 բառից պակաս և աջակողմյան հռետորաբանությամբ լի, երկուշաբթի ուշ երեկոյան անորոշ վիճակում է թողել ԱՄՆ տնտեսության ճակատագիրը, երբ Թրամփի վարչակազմը հրամայել էր կասեցնել հարյուրավոր միլիարդ դոլարների դաշնային դրամաշնորհներն ու վարկերը: Այս մասին հայտնում է CNN-ի վերլուծաբան Էլիսոն Մորլոուն։
Կառավարման և բյուջեի գրասենյակի տնօրենի պաշտոնակատարի փաստաթուղթը հստակորեն նշում է, որ դաշնային միջոցները պետք է համապատասխանեցվեն Թրամփի վարչակազմի առաջնահերթություններին և կենտրոնանան «զարթոնքը» դադարեցնելու վրա։
Այն քննադատում է դաշնային փողերի օգտագործումը «մարքսիստական հավասարության, տրանսգենդերիզմի և Կանաչ նոր գործարքի սոցիալական ինժեներական քաղաքականության խթանման համար» և բոլոր պետական գործակալություններին պատվիրում է դադարեցնել վճարումները, մինչ վարչակազմը վերանայում է դրանք:
Դժվար է գերագնահատել այն քաոսը, որը առաջացրել է այս երկիմաստ ձևակերպված հրահանգը տնտեսության շատ ոլորտների կազմակերպությունների վրա, որոնք ապավինում են դաշնային ֆինանսավորմանը, ներառյալ ծրագրերը, որոնք ապահովում են հիմնական առողջապահություն, շտապ օգնություն ֆերմերներին, աջակցություն քաղցկեղի կենտրոններին:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
