Թուրք նախարարի վրա ձվեր են շպրտել

Թուրքիայում թուրք-ադրբեջանական բարեկամությանը նվիրված համերգի ժամանակ Թուրքիայի մշակույթի և զբոսաշրջության հարցերով նախարար Էրթողրուլ Գյունայի վրա ձվեր են շպրտել. տեղեկացնում է Salamnews.org-ը՝ հղում կատարելով թուրքական Anadolu գործակալությանը:

Համերգին մասնակցել են նաև Գյունայի կինը, Ադրբեջանի փոխվարչապետ Էլչին Էֆենդիևը և այլ պաշտոնատար անձինք:

Նախարարին «ձվակոծել են» «Ուսանողական կոլեկտիվներ» կազմակերպության անդամները: Նախարարի թիկնապահներն ու իրավապահ մարմիներն օրինախախտ քաղաքացիներին դուրս են բերել դահլիճից:

Եվս մի քանի ուսանող ձերբակալվել է: