Եվրամիությունը սկսել է պատրաստվել ԱՄՆ-ի հետ առևտրային պատերազմի․ Bloomberg
Համաշխարհային Մամուլ
ԵՄ երկրներն անխուսափելի են համարում ԱՄՆ-ի հետ առևտրային պատերազմի սկիզբը։ Բրյուսելն արդեն պատրաստում է ամերիկյան ապրանքների ցուցակը, որոնք կարող են ենթարկվել պատասխան սահմանափակումների։ Այս մասին գրում է ամերիկյան Bloomberg գործակալությունը։
«ԵՄ-ն անխուսափելի է համարում առևտրային հակամարտությունը և պատրաստել է ամերիկյան ապրանքների ցուցակը, որոնց վրա պատասխան տուրքեր են սահմանվելու»,- ասվում է հրատարակության հաղորդագրության մեջ։
Բրյուսելում ակնկալվում է, որ ԱՄՆ-ից մաքսատուրքերի նոր փուլն անխուսափելի է, «և այս անգամ դա ավելի վատ կլինի, քան 2018 թվականին Թրամփի հրահրած առևտրային պատերազմը»։
Եվրոպացի պաշտոնյաները թերահավատորեն են վերաբերվում Թրամփին առևտրային բախում սկսելուց հետ պահելու հնարավորությանը։ Առևտրային հակամարտությունը կարող է «ազդել ամեն ինչի վրա»՝ պողպատից և մեքենաներից մինչև եվրոպական տեխնոլոգիական կանոններ և հարկային քաղաքականություն:
