Ինձ քաղաքացիություն չտալը ճնշման մեկ այլ ձև էր. Չախոյան (տեսանյութ)

ՆԳՆ միգրացիայի եւ քաղաքացիության ծառայությունը  հրաժարվել է ՀՀ քաղաքացիություն տալ ակտիվիստ Արթուր Չախոյանին, ով արդեն երկու տարի շարունակ իր խոշորացույցի տակ է պահում Երևանի քաղաքապետին ու նրա ղեկավարած ողջ կառույցի գործունեությունը, ըստ այդմ հասարակական գործունեությամբ լուսաբանում ու վերհսկում է քաղաքապետարանի անբարեխիղճ աշխատանքը՝ հաճախ կոռուպցիոն դրսևորումներով:

 ՆԳՆ-ից մերժումը շատ պրմիտիվ պատճառաբանությամբ են փաթեթավորել՝ ըստ Չախոյանի:

Նշվել է, թե իբր դիմումի հետ ներկայացվող փաստաթղթերը թերի են եղել, պատշաճ գրություն չի ուղարկվել ՆԳՆ, որպեսզի դիտարկեին քաղաքացիության համար հայտ ներկայացրած ՌԴ քաղաքացի Արթուր Չախոյանի դիմումը: Ուստի Չախոյանն ստիպված է երկրորդ անգամ դիմել, բայց մեկ տարի անց․ կարգն է այդպես:

Ինքը՝ Չախոյանը, Euromedia24-ի  հետ զրույցում նշել է, որ քաղաքական դրդապատճառներով են իրեն իբր «պատժել»:

«Հիշեք, տարիներ առաջ մահափորձ էին կատարել իմ դեմ, ինչը ևս կապում եմ իր ակտիվ գործունեւթյան ու քաղաքական հայացքների հետ:  Բայց այն, որ քաղաքացիություն տալով ՀՀ օրենսդրության դաշտում կփորձեին ավելի կառավարելի  դարձնել, սխալ ընկալում  է: Այսօր ունեմ  ՌԴ քաղաքացիություն, բայց իմ վրա ներկայումս  կա ութ դատական գործ, այնպես որ նոր կարգավիճակով ավելի մեծ լծակներ դժվար թե ստեղծեին՝ ինձ կաշկանդելու համար, իսկ մերժումն արհեստական պատճառաբանությամբ էր արված և սպասելի էր ինձ համար: Սա՝ ինձ քաղաքացիություն չտալը, ճնշման մեկ այլ ձև էր: Մենք գործ ունենք պետական համակարգի հետ, իսկ պետական համակարգը ծառայում է իշխանությանը»,– ասել է նա:

Նարե Ղազարյան