Ռուսաստանում կտրուկ են արձագանքել Շոլցի խոսքերին այն մասին, թե ով է ազատագրել Գերմանիան

Գերմանիայի կանցլեր Օլաֆ Շոլցի խոսքերն այն մասին, որ Գերմանիան նացիզմից ազատագրվել է ԱՄՆ-ի կողմից, բացարձակապես վրդովեցուցիչ են։ Այս մասին Lenta.ru-ի հետ զրույցում ասել է Դաշնության խորհրդի փոխխոսնակ Կոնստանտին Կոսաչովը։

Պատգամավորը հիշեցրել է, որ 1945 թվականին Գերմանիան կապիտուլյացիայի ենթարկվեց բացառապես Կարմիր բանակի գործողությունների շնորհիվ։ Նա կոչ է արել մարդկանց կարդալ Ռայխստագի գրությունները և նայել գմբեթին բարձրացված դրոշի լուսանկարը՝ դրանում համոզվելու համար։

«Շոլցի հայտարարությունը հարգանքի տուրք է ժամանակակից քաղաքական նորաձևությանը, ավելի ճիշտ՝ ժամանակակից քաղաքական իրավիճակին, որը ոչ մի կապ չունի պատմական իրականության հետ առաջին հերթին, և, երկրորդը, բացարձակապես անբարոյական է հիտլերյան նացիզմի դեմ հաղթանակ տարածների նկատմամբ», - ասել է Կոսաչովը:

Սենատորը ընդունել է հակահիտլերյան կոալիցիայի դերը, սակայն նշել է, որ Խորհրդային Միությունը որոշիչ դեր է խաղացել։