OpenAI-ի ծրագիրն է DeepSeek-ին դարձնել «չարագործ»․ CNN

«DeepSeek»-ը չինական արհեստական բանականության լաբորատորիա է «ChatGPT»-ի նման մոդելով, և մարդիկ խենթանում են դրա ինժեներների պնդումներից այն մասին, թե ինչպես են նրանք կառուցել այն էժան՝ օգտագործելով ԱՄՆ լաբորատորիաների կողմից օգտագործվող «OpenAI»-ի նման հաշվողական հզորության մի մասը: Այս մասին գրում է CNN-ի վերլուծաբան Էլիսոն Մորոուն։

Այժմ, թերևս զարմանալի չէ, որ ամերիկյան տեխնոլոգիական առաջնորդները փորձում են փոխել պատմությունը՝ «DeepSeek»-ին որպես «չարագործ» նկարելու համար:

«Bloomberg»-ը և «Financial Times»-ը հայտնել են, որ «OpenAI»-ը և «Microsoft»-ը՝ նրա խոշորագույն ներդրողը, փնտրում են ապացույցներ, որ «DeepSeek»-ն օգտագործել է «OpenAI»-ի մտավոր սեփականությունը իր մրցակցին կառուցելու համար՝ խախտելով դրա ծառայության պայմանները:

Չորեքշաբթի օրը «OpenAI»-ի ներկայացուցիչը հաստատել է CNN-ին, որ ընկերությունը «տեղյակ է և ուսումնասիրում է այն ցուցումները, որ DeepSeek-ը կարող էր սխալ կերպով վերամշակել մեր մոդելները և կկիսվի տեղեկատվությունը հենց որ մենք ավելին իմանանք»: