Հայաստանի և Վրաստանի ռազմավարական գործընկերությունը խիստ կարևոր է ողջ տարածաշրջանի համար․ Կոբախիձե
Արտաքին Քաղաքական
Հայաստանի և Վրաստանի ռազմավարական գործընկերությունը խիստ կարևոր է ողջ տարածաշրջանի համար։ Այս մասին հայտնել է Վրաստանի վարչապետ Իրակլի Կոբախիձեն՝ ՀՀ վարչապետ Նիկոլ Փաշինյանի հետ համատեղ հայտարարությունների ժամանակ։
Ըստ նրա՝ Հայաստան-Վրաստան գործընկերությունը խիստ կարևոր է ամբողջ տարածաշրջանի անվտանգության, բարգավաճման և կայուն զարգացման տեսանկյունից։
Կոբախիձեն նշել է, որ ԵԱՏ համագործակցության 14-րդ նիստը, որն արդյունավետ է եղել և արգասաբեր։
«Հատուկ հարաբերություններ կան մեր երկրների միջև։ Մեր գործընկերությունն արմատավորված է պատմական հանգամանքներով, մեր բարեկամությունը դարերի պատմություն ունի, և սրա վրա է շաղախված ու խարսխված հայ և վրացի ժողովուրդների դարավոր բարեկամությունը»,- նշել է Կոբախիձեն։
Նա նաև շնորհակալություն է հայտնել ՀՀ-ին՝ «ամենաբարձր մակարդակներով Վրաստանի տարածքային անձեռնմխելիությունը պաշտպանելու համար»։
«Շատ կարևոր է, որ հարգանք դրսևորենք միմյանց ռազմավարական շահերի, ինքնիշխանության, տարածքային ամբողջականության հանդեպ: Մեր գործընկերությունն ու բարեկամությունը շատ ամուր հիմքերի վրա է և մեծ ներուժ ունի»,- ասել է նա:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
