Ռուսական կապի 300 արբանյակ ինտերնետ կապահովի ԵԱՏՄ-ում․ Միշուստին
Արտաքին Քաղաքական
2027 թվականին Ռուսաստանը հիմք կստեղծի իր սեփական կապի արբանյակների համար, մոտ 300 սարք կուղարկվի ուղեծիր՝ ամբողջությամբ ծածկելով ԵԱՏՄ բոլոր երկրների տարածքը, ասել է ՌԴ վարչապետ Միխայիլ Միշուստինը, գրում է Interfax-ը։
«Ռուսաստանի համար թվայնացման ոլորտում առանցքային ոլորտներից մեկը առաջադեմ տիեզերական համաստեղությունների և նոր մակարդակի ծառայությունների մատուցման համակարգերի զարգացումն է»,-նշել է ՌԴ կառավարության ղեկավարը ուրբաթ օրը ելույթ ունենալով Digital Almaty 2025 ֆորումում։
«Հաջորդ տարի մենք նախատեսում ենք կապի չորս տիեզերանավ արձակել ուղեծիր, որոնք, ի թիվս այլ բաների, կապահովեն լայնաշերտ մուտք դեպի գերարագ ինտերնետ ծառայություններ Ռուսաստանի Դաշնության ողջ տարածքում՝ ներառյալ Արկտիկական գոտում: Մենք հիմք կստեղծենք մեր սեփական ցածր ուղեծրային խմբի համար»,- ասել է Միշուստինը։
Նրա խոսքով՝ ապագայում ուղեծրում կգործի մոտ 300 սարք, որոնք «կկարողանան ամբողջությամբ ծածկել ոչ միայն Ռուսաստանի, այլև Միության բոլոր երկրների էժան ու արագ ինտերնետի կարիքները»։
