Կրեմլն արձագանքել է Թրամփի՝ BRICS-ի երկրների հանդեպ մաքսատուրքեր սահմանելու մասին խոսքերին

BRICS-ը չի դիտարկում միասնական արժույթ ստեղծելու հարցը. դա ասոցիացիայի օրակարգում չկա: Այս մասին լրագրողներին ասել է ՌԴ նախագահի մամուլի քարտուղար Դմիտրի Պեկովը՝ մեկնաբանելով ԱՄՆ նախագահ Դոնալդ Թրամփի խոսքերը BRICS-ի երկրների նկատմամբ 100 տոկոսանոց մաքսատուրքերի հնարավոր սահմանման մասին, եթե նրանք փորձեն թուլացնել դոլարի դերը համաշխարհային առևտրում։

«Սա առաջին անգամը չէ, որ Թրամփը նման հայտարարություններ է անում։ Նման հայտարարություններ նախկինում էլ են եղել։ Ուստի հիմա նա, ըստ էության, կրկնել է իր հին թեզը»,- նշել է Կրեմլի ներկայացուցիչը։

Պեսկովն հայտարարել է՝ Ռուսաստանի համար առաջնայինը մնում են նախագահ Վլադիմիր Պուտինի խոսքերը, այլ ոչ թե Թրամփի հռետորաբանությունը։ Նա նշել է, որ BRICS-ը չի դիտարկում միասնական արժույթի ստեղծման հարցը. դա ասոցիացիայի օրակարգում չկա:

BRICS-ի աշխատանքի հիմնական ոլորտը, ըստ Պեսկովի, համատեղ ներդրումային հարթակների մշակումն է ենթակառուցվածքների, արդյունաբերության և այլ ոլորտներում փոխադարձ նախագծերի համար: Խոսքը պրագմատիկ տնտեսական համագործակցության մասին է, ոչ թե դոլարի հետ առճակատման։

Պեսկովը հեգնանքով առաջարկել է Թրամփին «ուսումնասիրել BRICS-ի օրակարգը»։