Գիտնականները սմարթֆոնի միջոցով արյան շաքարի մակարդակը չափելու նոր միջոց են առաջարկել

Շանհայի տեխնոլոգիական ինստիտուտի հետազոտողները կենսաչափական տվյալների վերլուծության նոր միջոց են առաջարկել՝ հիմնվելով սմարթֆոնների էկրանին մնացած հետքերի ուսումնասիրության վրա։ Հետազոտության արդյունքները հրապարակվել են Science & Technology Journal ամսագրում։

Գիտնականների կարծիքով՝ սմարթֆոնի էկրանի հետ յուրաքանչյուր շփում թողնում է եզակի կենսաքիմիական հետքեր, որոնք շատ բան կարող են պատմել մարմնի վիճակի մասին։ Այս տվյալների վերլուծությունը թույլ է տալիս գնահատել սթրեսի մակարդակը, վերահսկել արյան շաքարի փոփոխությունները և գնահատել միկրոէլեմենտների հավասարակշռությունը:

Փորձելու համար, թե որքանով է արդյունավետ առողջության մասին տեղեկություններ հավաքելու այս մեթոդը, օգտագործվել են սմարթֆոնի պաշտպանիչ ապակու մեջ ներկառուցված հատուկ սենսորներ։ Փորձի ընթացքում տարբեր տարիքի 200 կամավորների առաջարկվել է օգտագործել նման սարքեր։

Հետազոտության հեղինակներից Լին Սյաո-Հուին նշել է, որ տեխնիկան թույլ է տալիս չափել կորտիզոլի (սթրեսի հորմոն) մակարդակը, ինչպես նաև 87% ճշգրտությամբ բացահայտել քրոնիկ հիվանդությունների վաղ նշանները։