Թուրքիայի վերջին հայկական գյուղը սպառնալիքի տակ է

Վաքըֆլին, որը հայտնի է որպես Թուրքիայի վերջին մնացած հայկական գյուղ, բախվում է օտարման վտանգի՝ հանրային բնակարանային ծրագրի պատճառով: Այս մասին հայտնում է Bianet-ը։

Հաթայի Սամանդաղ թաղամասում գտնվող գյուղը ներառված է Բնակարանային զարգացման վարչության (TOKİ) լայնածավալ զարգացման ծրագրում՝ որպես 2023 թվականի փետրվարի ավերիչ երկրաշարժերից հետո բնակարանային ծրագրերի մաս։

Ծրագիրը, որը ներառում է 1353 բնակարանային միավորի կառուցում, ընդգրկում է Վաքըֆլիի որոշ հատվածներ՝ ներառյալ բնակելի տարածքները, գյուղատնտեսական հողերը և գանձապետական ​​սեփականություն հանդիսացող գույքը։

Վաքըֆլիի բնակիչները անհանգստացած են օտարման հեռանկարից՝ մտավախություն ունենալով, որ նախագիծը կվնասի գյուղի պատմամշակութային և սոցիալական կառուցվածքին։

Շատերը վախենում են, որ Վաքըֆլին կարող է կորցնել Թուրքիայի վերջին հայկական գյուղի իր ուրույն կարգավիճակը: