Անգլիան կանգնեցրեց Իսպանիային․ 43 խաղի անպարտելի շարքն ավարտվեց 10 րոպեում՝ 40 արբանյակի կորուստ․ Amazon-ի տիեզերական առաքելությունը ձախողվեց Ընտանեկան բռնության վերաբերյալ քրեական վարույթի նախաքննությունն ավարտվել է Ավինյանը հունից դուրս եկավ. «Մինչև վարչապետն ուղիղ չի ասում, բան չի լինում» Հոգատար հայր, ամուսին, նվիրված որդի, անփոխարինելի ընկեր. այսօր Վալոդյա Գրիգորյանը կդառնար 43 տարեկան Եվրոպան մտնում է բանակցային գործընթաց․ Կիևը նոր աջակցություն է սպասում Աննա Հակոբյանի հարցերն ու Ավինյանի պատասխանը. քաղաքապետը խոսել է երթևեկության «թեզերի» մասին Եկեք բաց խոսենք մետրոյի մասին. ութ վագոն ունենք վերանորոգելու, ի՞նչ վիճակում են դրանք. Ավինյան Անօդաչուների հարվածից հետո Ազովում 4 ձեռնարկությունում հրդեհ է բռնկվել Էստոնիան փակում է Ռուսաստանի հետ սահմանը՝ դիվերսիայի փորձից հետո Հութիները հայտնել են Էր Ռիադի օդանավակայանի ուղղությամբ հրթիռներ արձակելու մասին Իրանի էներգետիկան՝ հնարավոր թիրախ․ ԱՄՆ-ն ու Իսրայելը նոր հարվածներ են ծրագրում 

«Մինչև հիմա չեմ հավատում, որ Արտյոմս չկա, սպասում եմ իրեն». կապավոր Արտյոմ Տեփանյանն անմահացել է 2020 թ. հոկտեմբերի 12-ին Ջուվառլուում, տուն «վերադարձել»... մեկ տարի երկու ամիս անց. «Փաստ»

Հայկական Մամուլ

«Փաստ» օրաթերթը գրում է.

«Արտյոմս շատ խելոք էր, ինքնուրույն: Եթե ուզենար ինչոր բան անել, պետք է աներ: Շատ աշ խ ա տ ա սեր էր, պա ր ա պ չ է ր նստում»,-«Փաստի» հետ զրույցում ասում է տիկին Արմենուհին՝ Արտյոմի մայրիկը:

Արտյոմը ծնունդով Թալինի շրջանի Կարմրաշեն գյուղից է: Հաճախել է գյուղի միջնակարգ դպրոցը: Մայրիկն անկեղծանում է՝ սեր չուներ սովորելու հետ, չնայած դասերին իր չափով պատրաստվում էր: «Փոխարենը խենթանում էր սպորտի համար: Կարատեի էր հաճախել, բազմաթիվ մեդալներ և դիպլոմներ ունի: Սպորտում մեծ առաջընթաց ուներ»:

Արտյոմը բազմաթիվ երազանքներ ուներ: «Ասում էր՝ բանակից վերադառնալուց հետո կսովորեմ, ոստիկան կդառնամ: Երազում էր նաև ֆերմա հիմնելու, անասնաբուծությամբ զբաղվելու մասին: Սիրում էր գյուղը, գյուղի աշխատանքները, երբեք միտք անգամ չի ունեցել, որ, օրինակ՝ Երևան տեղափոխվի: Իր ապագան գյուղում էր տեսնում»:

Դպրոցն ավարտելուց հետո 2020 թ. օգոստոսի 19-ին Արտյոմը զորակոչվում է պարտադիր զինվորական ծառայության Արցախ: Ծառայում էր պաշտպանության բանակի 8-րդ պաշտպանական շրջանի (ЦОР) զորամասում: Տիկին Արմենուհին նշում է՝ որդին սիրով մեկնել է ծառայության, անհամբեր սպասում էր այդ օրվան: «Օրերն էր հաշվում, թե երբ պետք է այդ պահը գա, որ մեկնի բանակ: Շատ տպավորվել են իր խոսքերը, ասում էր՝ այնպիսի անուն պետք է ձեռք բերեմ, որ այն ամբողջ աշխարհում տարածվի: Ո՞ւմ մտքով կանցներ, որ մեզ այս չարաբաստիկ պատերազմը պիտի հանդիպի: Կարատեով պարապելու հետևանքով իր ձեռքերին այտուցներ կային, հեղուկ էր հավաքվում: Իրեն բժշկի էինք տանում, պետք է վիրահատեին: Չգիտեմ, թե ինչու՝ հետաձգվում էր վիրահատությունը: Չվիրահատեցին, պահը եկավ, որ պետք է բանակ գնար: Բժշկական հանձնաժողովն անցել էր, վերջին ստուգումն էր: Այնպես էր նախանշված, որ պետք է վիրահատեին, վեց ամսով հետաձգեին ծառայության մեկնելը: Բայց Արտյոմը չհամաձայնեց. «Պետք է գնամ բանակ, իմ հասակակիցներից չեմ ուզում հետ մնալ, պետք է զորակոչվեմ»: Բայց մենք չէինք ուզում, որ գնար բանակ: Հետաքրքիր բան է՝ գուցե կանխազգացում ունեինք: Հայրիկն ասաց՝ հանկարծ չգնաս ու ծանուցագիրդ չվերցնես, աշխատանքից կգամ, միասին կգնանք զինկոմիսարիատ, որպեսզի վեց ամսով հետաձգենք քո՝ ծառայության մեկնելը: Հայրիկին ասաց, որ չի գնա զինկոմիսարիատ, բայց ստացվում է, որ «խաբեց» նրան: Գնացել էր, վերցրել ծանուցագիրը:

Իրեն ճանապարհելու օրը մի քիչ ուշ հասանք զինկոմիսարիատ: Նորակոչիկներն ավտոբուսով արդեն Աշտարակ էին հասել: Կարծես ճակատագիր լիներ: Թալինում մեզ ասացին, որ ավտոբուսը մեկ հոգու համար չի կարող վերադառնալ: Արտյոմն այդտեղ էլ համառեց: Զինկոմիսարիատում խնդրեց, որ ավտոբուսը կանգնեցնեն, մինչև կհասնի տղաներին: Արտյոմին ասացի՝ գուցե բարին սա է, ուշ կգնաս, ձեռքերդ էլ կվիրահատես: Բայց իմ տղային համոզել չկարողացանք: Ավտոբուսը սպասել է զինկոմիսարիատում, մինչև Արտյոմը մեքենայով հասել է Աշտարակ»:

Չնայած ծառայության շատ կարճ ժամանակահատվածին, Արտյոմը շատ սիրով է ծառայել: «Շատ գոհ էր, արդեն կապավոր էր: Մի քանի օրվա զինծառայող էր, իր դպրոցի ուսմասվարը մեր տուն եկավ և պատմեց՝ ուսուցչանոցում նստած սրճելիս են եղել, զանգահարել է Արտյոմը, իր հետ եղել է, եթե չեմ սխալվում, հրամանատարը: Նա շնորհակալություն է հայտնել Արտյոմի նման խելացի տղա կրթելու համար, նույնն էլ խնդրել է նաև մեզ՝ ծնողներին փոխանցել: Ինձ հետ զրուցելիս Արտյոմս ասում էր՝ մամ, շատ գոհ եմ, ինձ հարգում են, ծառայությունս լավ է անցնում»:

Բայց սկսվում է 44-օրյա պատերազմը: «Այդ օրերին միշտ զրուցել ենք Արտյոմի հետ: Ասում էր. «Մա՛մ ջան, ամեն ինչ նորմալ է, իմ մոտ ամեն ինչ լավ է, միշտ կապի մեջ եմ»: Հանգստացնում էր մեզ, որ պատերազմի մեջ չէ. «Մեզ մոտ հանգիստ է, վախենալու բան չկա, կզանգեմ»: Մեկ անգամ էլ լրագրողների հեռախոսով էր զանգել, առհասարակ, տարբեր հեռախոսահամարներով է զանգել, զրուցել մեզ հետ: Սեպտեմբերի 27-ից հոկտեմբերի 10-ը մեզ հետ կապի մեջ է եղել: Հոկտեմբերի 10-ին վերջին զանգն էր: Երեկոյան զանգահարեց, միայն այդ օրն ասաց. «Մա՛մ, ոտքս կարծես վնասել եմ, վազելով մտա խրամատ, այնտեղ փշալարեր կային, չնկատեցի»: Բայց հիմա մտածում եմ, որ այդ ժամանակ ինձ խաբեց՝ երևի թե արդեն վիրավոր էր, բայց ինձ չէր ուզում ասել: Այդ օրերին այնքան հանգիստ էր, հայրիկն ասում էր՝ երբ մի կողմից կրակում են, պատսպարվեք, մյուս կողմ նահանջեք: Պատերազմի դաշտը լքելու մասին միտք անգամ չի ունեցել: Մնացել է իր ընկերների կողքին: Տղաներն իրար մենակ չեն թողել»:

Ցորի տղաները, որոնք անմահացել են 2020 թ. հոկտեմբերի 12-ին, իսկ տուն վերադարձել մեկ տարի երկու ամիս անց, նրանք, որոնց ինքնությունը հաստատել է ԴՆԹ հետազոտությունը, նրանք, որոնք պայքարել են մինչև վերջին փամփուշտն ու շունչը, դիմադրել մեծաքանակ թշնամուն, պատերազմի մի քանի օրերի ընթացքում հասցրել են Արցախի մի շարք անկյուններում լինել՝ Վազգենաշեն, 9-րդ կիլոմետր կոչվող հատված, Արա լեռ, Ջուվառլու և այլուր: Վստահաբար, տղաների հերոսական ուղու մասին ամեն ինչ չէ, որ գիտենք, բայց նրանց սխրագործությունը նաև թշնամին է «գնահատել», այնքան, որ չի ցանկացել նրանց մարմինները փոխանցել հայկական կողմին, որպեսզի հանկարծ հայրենիքում հրետանավորները հերոսի կոչման չարժանանան:

Այդ ընթացքում Արտյոմի ընտանիքը փնտրել է նրան ամենուր, նաև գերեվարվածների շրջանում, բայց ապարդյուն: «Հետո ցանցում մի նկար հայտնվեց, տղայի հագուստն իմ Արտյոմի հագուստին էր նման, նմանեցնում էինք մեր տղային, բայց դեմքը պարզ չէր երևում: Գտանք լրագրողներին, նկարահանողներին ու պարզեցինք, որ այդ տղան Արտյոմս չէր»:

Արտյոմը երկու քույր և եղբայր ունի: «Աղջիկներս իրենց ընտանիքներն ունեն, տղաս աշխատում է ոստիկանության զորքերում: Եղբոր երազանքը նա կատարեց: Ամեն մեկն իր տեղն ունի, ոչ ոք մյուսի տեղը չի կարող լրացնել: Իսկ ես խեղդվում եմ կարոտից, չգիտեմ, թե ինչ անեմ: Մինչև հիմա չեմ հավատում, որ Արտյոմս չկա, սպասում եմ իրեն: Այնքան աշխույժ էր, ճարպիկ, որևէ մեկը չէր հավատում, որ Արտյոմը կարող է զոհվել: Անգամ համագյուղացիներն էին ասում՝ մեր սիրտը հանգիստ է, իրեն բան չի լինի»:

Ապրելու ուժի մասին: «Աղջկաս տղան այնքան նման է քեռուն՝ թե՛ բնավորությամբ, թե՛ քայլվածքով, անգամ մազերը սանրելու ձևով: Երբ իրեն գրկում եմ, սիրում, հոգիս մի քիչ հանգստանում է, բայց հոգուս մեջ շատ մեծ վերք կա: Վստահ եմ նաև, որ տղայիս կազմած ընտանիքն ուրախություն կբերի մեր տուն»:

Հ. Գ. - Արտյոմ Տեփանյանը հետմահու պարգևատրվել է «Մարտական խաչ» 2րդ աստիճանի շքանշանով: Հուղարկավորված է Կարմրաշենի գերեզմանատանը:

ԼՈՒՍԻՆԵ ԱՌԱՔԵԼՅԱՆ  

 

Հետևե՛ք Euromedia24-ին
Youtube-ում`
Անգլիան կանգնեցրեց Իսպանիային․ 43 խաղի անպարտելի շարքն ավարտվեց10 րոպեում՝ 40 արբանյակի կորուստ․ Amazon-ի տիեզերական առաքելությունը ձախողվեցԱՄՆ-ը հաստատել է Պուտինի, Թրամփի և Սի Ծինփինի միջև նոյեմբերի 19-ին կայանալիք հանդիպումը Ընտանեկան բռնության վերաբերյալ քրեական վարույթի նախաքննությունն ավարտվել է Ավինյանը հունից դուրս եկավ. «Մինչև վարչապետն ուղիղ չի ասում, բան չի լինում»Հոգատար հայր, ամուսին, նվիրված որդի, անփոխարինելի ընկեր. այսօր Վալոդյա Գրիգորյանը կդառնար 43 տարեկանԵվրոպան մտնում է բանակցային գործընթաց․ Կիևը նոր աջակցություն է սպասում Աննա Հակոբյանի հարցերն ու Ավինյանի պատասխանը. քաղաքապետը խոսել է երթևեկության «թեզերի» մասին Եկեք բաց խոսենք մետրոյի մասին. ութ վագոն ունենք վերանորոգելու, ի՞նչ վիճակում են դրանք. ԱվինյանԱնօդաչուների հարվածից հետո Ազովում 4 ձեռնարկությունում հրդեհ է բռնկվելԷստոնիան փակում է Ռուսաստանի հետ սահմանը՝ դիվերսիայի փորձից հետոՀութիները հայտնել են Էր Ռիադի օդանավակայանի ուղղությամբ հրթիռներ արձակելու մասինԻրանի էներգետիկան՝ հնարավոր թիրախ․ ԱՄՆ-ն ու Իսրայելը նոր հարվածներ են ծրագրումՊեկինը հաստատեց․ Թրամփը, Պուտինն ու Սին կհանդիպեն նոյեմբերի 19-ինՁեր «Ելակային քաղաքականության» հետևանքները մարդիկ արդեն տեսել են». Տիգրան Աբրահամյանը՝ ՊապիկյանինՈՒղիղ․ ՀՀ ԱԺ առողջապահության հարցերի մշտական հանձնաժողովի հերթական նիստԳորիսի տարածաշրջանում, Մեղրիի լեռնանցքում ձյուն է տեղումՈՒՂԻՂ․ Երևանի քաղաքապետարանի գործակարգավարական խորհրդակցությունՓակ է Քարի լիճ տանող ավտոճանապարհը․ խորհուրդ է տրվում երթևեկել ձմեռային անվադողերովՕրվա խորհուրդ. Նոյեմբերի 16Տեղի է ունեցել Հայաստանի և Կամբոջայի վարչապետների հանդիպումըՍրտաբանը հայտնաբերել է սրտի կաթվածի նշաններ, որոնք ի հայտ են գալիս դեպքից մի քանի ամիս առաջ Խաբարովսկ թռչող «Ավրորա» ավիաընկերության չվերթի ժամանակ ուղևոր է մահացել Ստիպե՞լ են օղի խմել․ Զախարովայի սուր հակադարձումը Լավրովի մասին արված պնդմանը Կամչատկայում մեկ օրում հինգ երկրաշարժ է տեղի ունեցել Ռուսական հարվածները հասնում են նպատակին․ Զելենսկին պահանջով դիմել է ԱՄՆ-ին Բազմաթիվ հասցեներում երկար ժամանակ լույս չի լինելու Ուշիի ոլորաններում ավտովթարից զոհված զույգը 3 ամսվա նշանված էրՍպասվում է ձյուն, ջերմաստիճանը կնվազի. Առաջիկա օրերի եղանակի կանխատեսում Կոտայքի մարզում բախվել է 3 մեքենա, ինչի հետեւանքով հոսպիտալացվել են տատը, պապն ու թոռը Արտակարգ դեպք՝ Արմավիրում․ «Վաղարշապատ» ԲԿ-ի տարածքում առողջ և հաստաբուն ծառերի սպանդ է իրականացվել Սոցցանցերում Ալիևի հաշիվները ենթարկվել են կիբեռհարձակումների Մեկնարկել է մինչև երկու տարեկան երեխայի խնամքի նպաստի վճարման գործընթացը Արման Աբովյանը Մոսկվայում միջազգային համաժողովին խոսել է Գագիկ Ծառուկյանի կալանավորման մասին «Պատմական սպառնալիք». Ռուբիոն Իրանին մեղադրել է Մերձավոր Արևելքն ապակայունացնելու մեջ Բժիշկները բացահայտել են սննդային սովորություններ, որոնք առաջացնում են փորկապություն և փքվածություն Բելգիայում գազի բալոնի պայթյունը հրդեհ է առաջացրել Սուրբ Ծննդյան տոնավաճառում. Կան տուժածներ«Բարսելոնա»-ի լեգենդները հաղթել են «Այաքս»-ի լեգենդներին գերգոլառատ խաղում Գավառում բшխվել են «Jeep»-ը և «Lada»-ն, վերջինը հայտնվել է դաշտում. կա վիրավnր Թուրքիայի դատարանը հրաժարվել է ազատ արձակել Օսման Քավալային՝ չնայած ՄԻԵԴ-ի վճռին Սևանի ձկնային պաշարների պահպանումը մեր առաջնահերթություններից է. ՇՄՆ Էկոպարեկային ծառայության պետ Իրանը շուտով կգործարկի սեփական ջերմամիջուկային ռեակտորը. Էսլամի Էստոնիայի կառավարությունը մտադիր է դեկտեմբերի 1-ից փակել Ռուսաստանի հետ բոլոր սահմանային անցումները Հայաստանը Պաղեստինին խաղաղություն և բարգավաճում է մաղթել․ Իրանը շնորհակալություն է հայտնել Տարոյի աստղագուշակություն նոյեմբերի 16-ի համար. Խոյերը կձեռնարկեն իրենց նպատակներին հասնելու ուղի, իսկ Առյուծները կստանան արժանի ճանաչում Նոյեմբերի 20-ից Սևանա լճում կարգելվի սիգի արդյունագործական որսը Ողբերգական վթար Պռոշյան համայնքում. 18-ամյա աղջիկը տեղում մահացել է «Ո՛չ պատերազմ, ո՛չ խաղաղություն». Իրանը կրկին ԱՄՆ-ից պահանջել է կատարել համաձայնության հասնելու յոթ պայմանները Գերմանիայում կողոպտիչներն ավտոմեքենայով մխրճվել են ոսկու խանութ և փախուստի դիմել․ ոստիկանությունը փնտրում է երրորդ կասկածյալին Նոր մանրամասներ են հայտնի դարձել չինացի գործարար կնոջ մասին, որի հետ կապը հանգեցրել է Ջենսեն Հուանգի հրաժարականին
Ամենադիտված