Դոնալդ Թրամփն իրագործել է իր սպառնալիքը. Bild

ԱՄՆ նորընտիր. նախագահ Դոնալդ Թրամփը կատարել է Կանադայից, Մեքսիկայից և Չինաստանից ապրանքների համար բարձր մաքսատուրքեր սահմանելու իր սպառնալիքը։ Այս մասին գրում է Bild-ը։

Այսօրվանից գործում են նոր սակագներ։ Նախագահի որոշման մասին հունվարի 31-ին հայտնել է նրա մամուլի քարտուղար Քերոլայն Լևիտը։ «Կանադան, Մեքսիկան և Չինաստանը հնարավոր են դարձրել ապօրինի թմրանյութերի մուտքը Ամերիկա»,- ասել է նա: Ի պատասխան՝ Թրամփը 25 տոկոս մաքսատուրքեր է սահմանում Մեքսիկայից և Կանադայից և 10 տոկոս՝ Չինաստանից ներկրված ապրանքների վրա։

Թրամփի մամուլի քարտուղարը նաև ասել է, որ ինքը դեռևս չի որոշել ԵՄ ապրանքների մաքսատուրքերի թարմացման ժամանակացույցը։