Ռուսաստանը մերժել է Թրամփի՝ Ուկրաինայում կարգավորման ծրագիրը

Դաշնային խորհրդի միջազգային կոմիտեի փոխնախագահ Վլադիմիր Ջաբարովը մերժել է ԱՄՆ նախագահ Դոնալդ Թրամփի թիմի պլանը՝ 100 օրում Ուկրաինայում հակամարտությունը խաղաղ ճանապարհով լուծելու։ Իր Telegram-ի ալիքում նա կոչ է արել լուրջ չվերաբերվել արևմտյան լրատվամիջոցների «արտահոսքին»՝ կապված ռազմական գործողությունների ավարտի ամսաթվի հետ։

«Այսպես կոչված «Թրամփի` 100 օրվա պլանը» ոչ մի կերպ հաշվի չի առնում մեր երկրի դիրքորոշումը, այլ ընդհակառակը, ենթադրում է հետագա զինված աջակցություն Կիևի ռեժիմին՝ առանց Ռուսաստանի սահմանադրական տարածքների միջազգային ճանաչման», - ասել է Ջաբարովը։ 

Նրա խոսքով՝ ԱՄՆ նախագահի դիրքորոշումը հայտնի կդառնա ավելի ուշ։ «Ռուսաստանի համար գլխավորը Վլադիմիր Պուտինի հնչեցրած պայմանները պաշտպանելն է, այլ ոչ թե Վաշինգտոնից ըմբռնում փնտրելը»,-մատնանշել է քաղաքական գործիչը։

Ավելի վաղ Ուկրաինայի հարցով ԱՄՆ նախագահ Դոնալդ Թրամփի հատուկ բանագնաց Քիթ Քելլոգը հայտարարել էր, որ Ուկրաինայի հարցում առաջընթաց կարելի է սպասել առաջիկա 100 օրվա ընթացքում։ Նա նաև պարզաբանել է, որ հակառուսական ամերիկյան պատժամիջոցների ճակատագրի վերաբերյալ վերջնական որոշումը մնում է Թրամփին։